Ўзбекистонда 6 нафар раҳбар мансабдор шахс тадбиркорлик билан шуғулланаётгани аниқланди, деб хабар бермоқда Коррупцияга қарши курашиш агентлиги ахборот хизмати.
Унга кўра, Коррупцияга қарши курашиш агентлиги томонидан ўтказилган ўрганишлар давомида 6 нафар раҳбар мансабдор шахс (3 нафар туман-шаҳар ҳокими, 1 нафар агентлик, 1 нафар унитар корхона ва 1 нафар қўмита раҳбари) тадбиркорлик субъектларининг таъсисчилари экани маълум бўлди. Жумладан:
- Миллий антидопинг агентлиги директори А.Садиков —Total Oil МЧЖ;
- “Ахборотлаштириш бош маркази” ДУК раҳбари Д.Сарихўжаев — “Мусаммо” МЧЖ;
- Андижон вилояти Бўстон тумани ҳокими С.Носирова —“Сабина Иссиқ Нонлари 777” ва “Кўмир саноати” МЧЖлар;
- Навоий вилояти Қизилтепа тумани ҳокими У.Файзиев — Zarafshan Golden Group ва Zarafshon Grand Invest МЧЖлар, “Ғани бобо чорваси” фермер хўжалиги;
- Тошкент шаҳар Яккасарой тумани ҳокими А.Сайфутдинов — Sanico Group ва “Ув-Макс” МЧЖлар;
- Ипакчилик ва жун саноатини ривожлантириш қўмитаси раҳбари Б.Шарипов —“Каромат ойижон-Сурхон” фермер хўжалигида таъсисчи сифатида фаолият юритиб келаётгани аниқланди.
Изоҳ (0)