Мексиканинг Оахака штатидаги Сан-Педро-Уамелула шаҳри мэри Виктор Уго Соса ўз халқига омад олиб келиш учун тимсоҳга уйланди.
![](/static/2023/zulfiya/photo_2023-07-02_22-26-23.jpg)
Никоҳдан олдин ҳеч ким зарар кўрмаслиги учун “келин” арқон билан боғланган, унга Алисия Адриана номи берилган.
“Мен масъулиятни ўз зиммамга оламан, чунки биз бир-биримизни севамиз. Муҳими шу. Севгисиз никоҳ бўлиши мумкин эмас. Мен маликага уйланишга розиман”, — деган шаҳар мери Виктор Гюго Соса.
Шаҳар раҳбарининг аёл тимсоҳ билан рамзий никоҳи ҳар йили Сан-Педро-Уамелулада 18-асрдан бери сақланиб келаётган анъана доирасида бўлиб ўтади. Тимсоҳ она Ерни англатади. Маҳаллий расмий билан тимсоҳнинг никоҳида шаҳар аҳолиси инсоннинг илоҳиёт билан алоқасини кўради. Шу тарзда улар ўзлари учун мўл-кўлликни таъминлашга умид қилади.