Том Хенкс ўзининг 40 йиллик кино фаолияти давомида 100 дан ортиқ фильмларда рол ўйнаган. Актёр яқинда берган интервьюсида ўзи иштирокидаги баъзи лойиҳаларни ёмон кўриши ҳақида гапириб берди.
“Тўғрисини айтиш керак, барчамиз ўзимиз ёмон кўрадиган фильмларни кўрганмиз. Мен ёмон кўрадиган фильмларимда суратга тушганман. Сиз ҳам менинг иштирокимдаги фильмларни кўргансиз ва уларнинг баъзиларини ёмон кўрасиз”, — дейди Хенкс.
Актёр бу фильмларнинг номини бирма-бир санаб бермаган, бироқ фильмларга муносабатини қандай мезонлар асосида шакллантираётгани ҳақида батафсил гапирган.
Хенкснинг сўзларига кўра, бешта шартли ёки реал чегара мавжуд бўлиб, уларнинг кесишуви оқибатларини олдиндан айтиб бўлмайди ва буни фильм яратишда иштирок этган ҳар бир киши бошдан кечиради.
- Биринчиси — фильмда суратга тушиш учун “ҳа” жавобини айтганингизда. Сизнинг тақдирингиз ҳал бўлади. Ушбу фильмни танлаган бўласиз ва унинг устида ишлашингизга тўғри келади.
- Иккинчиси — ўзингиз иштирок этган фильмни томоша қилганингизда. Барчаси амалга ошади ва лойиҳа сиз ишлашни истаган фильм бўлади ёки бирор нарса иш бермасдан бу сиз орзу қилган кино бўлмайди.
- Бунинг бошқа мезонлар билан ҳеч қандай алоқаси йўқ. Томошабинларнинг реакцияси, “халқ овози” ҳам аҳамиятга эга. Айрим томошабинлар бу фильм уларга ёқмаганини айтади, бошқаларга эса бу ёқади. Фильмнинг аслида қандай чиққанини бу фикрлар белгилаб беради.
- Тўртинчиси — тижорий жиҳати. Агар фильм даромад олиб келмаса, карьерангиз тезда қулайди. Бу шунчаки факт. Бу бизнес.
- Бешинчиси — вақт.
Хенкс вақт синовидан ўтган фильмга мисол сифатида 1996 йилда ўзи режиссёрлик қилган, сценарийсини ёзган ва бош ролни ижро этган “Сиз нима қиляпсиз?” лойиҳасини келтирди.
Актёрнинг сўзларига кўра, дастлаб ушбу фильм кенг жамоатчилик ва танқидчилар томонидан баҳоланмаган, кассада муваффақият қозонмаган, бироқ ҳозирги кунда “Сиз нима қиласиз?” фильми “Том Хенкснинг культ классикаси” деб номланади.
Ҳенкс иштирокидаги сўнгги фильмларидан бири Уэс Андерсоннинг Канн кинофестивалида премьера қилинган “Астероидлар шаҳри” янги лойиҳасидир.