30 май куни InterContinental Tashkent меҳмонхонасида Gross компаниясининг “Йўловчиларни суғурта қилиш” янги маҳсулотини расмий ишга туширишга оид тақдимот маросими бўлиб ўтди. Янги маҳсулот мажмуавий бўлиб, 4 та таваккалчиликни, айнан эса сафарнинг бекор қилиниши, багаж билан боғлиқ муаммо, парвознинг кечиктирилишидан ва парвоз вақтида ёки аэропортда кутиш вақтида бахтсиз ҳодисалардан суғурта қилишни таклиф этади.
Ўзбекистонда саёҳатчиларни стандарт суғуртаси тиббий ёрдам билан боғлиқ кўзда тутилмаган харажатлар қопланишини таъминлайди, даволаш, транспортда жўнатиш, қайтиш чипталари, болалар ва кузатиб борувчиларни қайтариш билан боғлиқ харажатлар ҳақини тўлаб беради, аммо бу етарлими?
“Бугун Gross компаниясида биз ўзимизга шундай бир саволни қўйдик, агар сиз сафар бошланишига қадар рейсга чиқолмасангиз, багажни йўқотиб қўйсангиз, қандайдир тарзда аэропортда жабрланган бўлсангиз ёки парвознинг узоқ муддатга кечиктирилиши гаровига айланган бўлсангиз нима қилиш керак? Бутун дунё бўйлаб аэропортларда парвозларнинг 5,2 фоизи ўртача 1 соат ва ундан ортиқ вақтга кечиктирилади. Ҳозирда ҳар қандай режадан ташқари ҳолатларда кафолатланган ҳимоя ва хотиржамлик ҳисини одамларга бера олиш бизнинг имкониятларимиз доирасидадир. Ана шу тариқа саёҳатчилар суғуртасининг стандарт пакетини кенгайтириш ва унга янги таваккалчиликларни қўшиш ғояси юзага келди”, – деб изоҳ берди Gross суғурта компаниясининг бошқарув раиси Отабек Назаров.
Янги маҳсулот бирваракайига 4 та таваккалчиликни суғурталайди:
- Сафарнинг бекор қилиниши. Агар сизга касалхонага жойлаштириш, жароҳат олиш, инфекция касаллиги, ишда қисқартириш, ҳужжатлар ўғирланиши, судда ишни кўриш, мол-мулкка зарар етказилиши, чақириқ, табиий офатлар, ЙТҲ ёки ўлим натижасида сафарни бекор қилишга тўғри келган бўлса, компания чипталар қайтарилганлиги, меҳмонхонада брон ва турли трансферлар бекор қилинганлиги учун харажатларни тўлаб беради.
- Авиарейсни кечиктирилиши ёки бекор қилиниши. Компания сизнинг рейсингиз кечиктирилганлигининг ҳар бир соати ёки унинг тўлиқ бекор қилинганлиги учун харажатларни тўлаб беради.
- Багажни кечиктирилиши, йўқотилиши ёки унга зарар етказилиши. Статистика маълумотлари шундан далолат берадики, багаж билан боғлиқ муаммоларнинг 80 фоизи унинг кечиктирилишига, 13 фоизи зарарланишига ва 7 фоизи йўқотилишига тўғри келади. Бошқа мамлакатда багажсиз қолиш нохуш саргузаштларни келтириб чиқаради ва биз ушбу кўнгилсизликларни пул эквивалентида қоплашни таклиф қиламиз.
- Аэропорт ҳудудида ва парвоз вақтида бахтсиз ҳодисалар. Бизга маълумки, саёҳатчиларнинг стандарт суғуртаси фақат сиз бошқа мамлакатда борганингиздан кейин ишлай бошлайди, ушбу таваккалчилик эса парвоз ёки аэропортда кутиш вақтида жароҳат олиш, ногирон бўлиб қолиш ёки ҳаётдан кўз юмиш билан боғлиқ харажатларни қоплайди.
Ҳозирда саёҳатга қўшимча опсияли полисни ўзи билан олган ҳолда ушбу барча муаммоларни Gross компанияси билан ҳақиқатда ҳал қилиш мумкин бўлиб қолди. Полисни парвоздан олдин ўз туристик операторингизда расмийлаштиришингиз, барча ахборотни эса қўнғироқларни қабул қилиш бўйича ягона марказда 1166 рақами орқали олишингиз мумкин.
Саёҳатчиларни суғурта қилиш соҳасида фаолиятнинг фақат сўнги 3 йилида Gross компанияси жабрланганларга, жумладан шошилинч жарроҳлик амалиётлари, турли хил касалликлар ва репатриацияларни ҳисобга олган ҳолда 1 976 000 АҚШ доллари миқдорида суғурта компенсацияларини тўлаб берган.
Мижозларни қўллаб-қувватлаш маркази: 1166
Сайт: gross.uz
Facebook: @grossuz
Telegram: @grossuzb
Telegram-бот: @grossrobot
Реклама ҳуқуқи асосида.