Ижтимоий тармоқларда Қирғизистон Хитой олдидаги қарзни қоплаш учун Жетимтау конини сотишга қарор қилгани ҳақида хабар тарқалди. Республика президенти администрациясининг ахборот сиёсати хизмати раҳбари Дайирбек Ўрунбеков мазкур хабарларга муносабат билдирди.
“Жетимтау конини 100 фоиз мустақил равишда ишлаб чиқамиз. Унинг ҳаттоки бир фоизи ҳам ҳеч кимга берилмайди. Конда қазиш ишлари учун маблағлар белгиланди, давлат томонидан металлургия заводи қурилади, маҳаллий аҳоли орасидан ҳам ишчилар жалб қилинади.
Ҳеч қандай хорижий компания кондаги қазиш ишларига аралашмайди. Жетимтау кони Қумтордан кўра кўпроқ даромад келтирадиган лойиҳадир. Айни пайтда илмий-тадқиқот ишлари олиб борилмоқда, улар тугагач, қазиш ишлари бошланади”, — деган у.
Жетимтау — йирик қора ва рангли металлар кони
Жетимтау 1956 йилда тадқиқ қилинган. Норин ва Иссиқкўл вилоятлари оралиғида жойлашган. Унинг узунлиги қарийб 40 километрни ташкил қилади. Кон 1960-1980 йиллардан бошлаб сиртдан ўрганилади, аммо унинг захиралари ва салоҳияти ҳақида тўлиқ маълумотлар йўқ.
Турли прогнозларга кўра, у 3, 5 ёки 10 миллиард тонна рудани ташкил қилади, олтин рудасининг аралашмалари ҳам мавжуд. Қирғизистон кончилар уюшмаси ушбу объектни дунёдаги энг йирик темир руда конларидан бири деб атаган ва Қирғизистонда салоҳияти бўйича у ҳатто Қумтордан ҳам ўзиб кетиши мумкин.
Қирғизистон ҳукуматининг 2020 йилдаги прогнозида Жетимтау конининг Данговский участкасини ўзлаштириш йилига 200 миллион доллардан ортиқ даромад келтириши айтилганди.
Изоҳ (0)