Туркия президенти матбуот котиби Иброҳим Калин Украинадаги урушни тугатиш йўлини айтди. Бу ҳақда Anadolu хабар берди.
.jpg)
Сиёсатчи Россия ва Украина ўртасидаги урушда узоқ муддатли тинчлик фақатгина Москва ва Ғарб ўртасида янги кенг кўламли келишувга эришилган тақдирдагина амалга ошишини билдирди.
У мазкур фикрни Туркия ташқи сиёсатига бағишланган анжуманда айтиб ўтди. Калин Россия–Украина урушини фақат икки давлат ўртасидаги қарама-қаршилик призмасидан қабул қилиш керакмаслигини таъкидлади.
Унинг сўзларига кўра, Украинада содир бўлаётган воқеалар Россия ва Ғарб кучларнинг янги мувозанатини излаётганидан далолат беради.
“Украинадаги урушни тўхтатиш учун бор куч-ғайратимизни сарфлайлик. Ушбу урушнинг давом этиши ва унинг кўламининг кенгайиши глобал фалокат билан тўла. Урушни тўхтатиш ва дипломатияга устунлик бериш муҳим. Томонлар музокаралар столига ўтиришига ҳаракат қилиш керак. Биз урушга эмас, тинчликка ‘ставка қилишимиз’ керак!”, — дея Калин халқаро ҳамжамият ва Ғарб давлатларига мурожаат қилди.
Сиёсатчи Туркия ва шахсан президент Ражаб Тоййиб Эрдўғон бу масалада рол ўйнашга тайёрлигини айтди. У Туркия раҳбарияти Украинадаги қон тўкилишини тўхтатиш учун кўп уринишлар қилганини эслатиб, Анқаранинг бу йўналишдаги фаол ҳаракатлари давом этишига ишонтирди.
Президент матбуот котибининг таъкидлашича, дунё Украинада яна ўн минглаб одамларнинг ўлимини кўрмаслиги керак.
“Урушни давом эттиришдан кўра, келинг, уч ёки беш йиллик тинчлик музокаралари вариантини ҳал қилайлик. Асосийси, қон тўкилишини тўхтатиш. Биз мавжуд вазиятни ҳисобга олган ҳолда мулоқотни ривожлантириш имкониятларини муҳокама қиламиз”, — дея хулоса қилди Калин.
Изоҳ (0)