АҚШ Миллий хавфсизлик кенгаши матбуот котиби Жон Кирбининг маълум қилишича, “Толибон” 2021 йил август ойида Кобулда портлаш уюштирган ИШИД террор ташкилотининг афғон бўлинмаси жангарисини йўқ қилган. Бу ҳақда Reuters хабар бермоқда.
Кобул аэропортидаги терактда яраланган америкалик аскарларни Германиядаги шифохонада қабул қилишмоқда, 2021 йил 27 август.
Кобул аэропортидаги портлаш 2021 йилнинг 26 августида, Афғонистонда “Толибон” ҳокимият тепасига келганидан сўнг, АҚШ қўшинлари америкаликлар ва афғонларни эвакуация қилаётган вақтда содир бўлган. Ўшанда 13 нафар америкалик аскар ва ўнлаб тинч аҳоли ҳалок бўлган.
ИШИДнинг Афғонистондаги бўлинмаси “Вилояти Хуросон” Афғонистонда “Толибон”га қарши курашмоқда. Гуруҳ жангарилари илк бор 2014 йилда Афғонистон шарқида пайдо бўлган, кейин эса бошқа ҳудудларга бостириб кирган.
Кобул аэропортидаги терактдан сўнг Американинг МQ-9 Reaper учувчисиз учоғи террорчиликда гумон қилинган шахсга зарба бериб, ўн нафар тинч аҳолининг ўлимига сабаб бўлган эди. Дастлаб АҚШ хавфли террорчини ўлдирганини даъво қилган, бироқ кейинроқ хайрия ташкилотида ишлайдиган ходимни жангари билан адаштирганини тан олган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан “террорчилик ташкилоти” деб топилган.
Изоҳ (0)