Ифторликка лаваш хамири ва сосискадан конверт шаклидаги егулик тайёрлаймиз

Лаваш хамири, сосиска ва пишлоқдан тайёрланадиган ажойиб егулик сизга ҳам ёқиши аниқ. Унга ўзингизга ёққан соус ёки кўкатларни қўшишингиз мумкин.

Керакли масаллиқлар:

• сосиска — 3-5 дона;
• юпқа лаваш хамири — 1 дона;
• пишлоқ — 150 г;
• кўкатлар — таъбга кўра;
• майонез — таъбга кўра;
• тухум — 2 дона;
• туз — таъбга кўра;
• мурч — таъбга кўра;
• сут — 1-2 ош қошиқ;
• ўсимлик ёғи — 4-5 ош қошиқ.

Тайёрланиши:

1. Сосискаларни қайнатиб олинг. Лаваш хамирини бир хил тўртбурчак шаклида кесинг;
2. Сосискаларни майда қилиб тўғранг. Пишлоқни, кўкатларни майонез билан аралаштиринг. Унга помидор бўлакларини қўшишингиз мумкин;
3. Хамирнинг ичига массани солинг ва конверт шаклида букиб олинг;
4. Тухумни туз, мурч ва сут билан кўпиртиринг. Каттароқ тарелкага солинг;
5. Қиздирилган идишга ёғни солинг. Конвертларни тухум аралашмасига тўлиқ ботириб олинг, сўнгра қизаргунга қадар ҳар икки томонини қовуринг.

Ёқимли иштаҳа!