Қозоғистонда 2023 йил 19 март куни парламент Мажилисига ва барча даражадаги маслаҳатларга навбатдан ташқари сайловлар бўлиб ўтди. Мамлакат сиёсий партиялари сайловда қанча овоз олгани ҳақида Марказий сайлов комиссиясига таяниб, “Дарё”нинг Қозоғистондаги мухбири хабар берди.
“Amanat” партияси сайловда 53,90 фоиз — 3 миллион 431 минг 510 овоз билан етакчиликни қўлга киритиб, парламент устидан барқарор назоратни сақлаб қолди. “Ак Жол” (“Оқ йўл”) демократик партияси катта фарқ билан (535 139 овоз — 8,41 фоиз сайловчилар) кейинги ўринни эгаллади. Учинчи ўринни Қозоғистон Халқ партияси (432 920 овоз — 6,80 фоиз сайловчилар) қўлга киритди.
Халқ-демократик ватанпарварлик партияси “Ауил” (“Овул”) 693 938 овоз (сайловчиларнинг 10,90 фоизи), “Республика” 547 154 овоз (8,59 фоиз), Миллий социал-демократик партия — 331 058 овоз (5,20 фоиз), Экологлар партияси “Байтак” — 146 431 овоз (2,30 фоиз сайловчи) олди.
“Овоз бериш натижаларига кўра депутатлик мандатлари қуйидагича тақсимланди: ’Аманат’ партияси — 40 мандат, ’Ауил’ партияси — 8 мандат, ’Ак Жол’ ва ’Республика’ партиялари — олтита мандатдан, Қозоғистон Халқ партияси — 5 мандат, Миллий социал-демократик партия — 4 мандат”, — деди МСК раиси Нурлан Абдиров.
Республикада аҳамиятга молик шаҳарларнинг бир мандатли ҳудудий сайлов округларида Даулет Турлихонов Остонада энг кўп овозни (71 698 овоз) қўлга киритди, энг кам овозни эса Чимкентда Болатбек Алиев (19 851 овоз) тўплаган.
Қозоғистон вилоятларининг бир мандатли ҳудудий сайлов округлари бўйича 238 195 овоз билан Ақтўбе вилоятидан Казибек Алишев етакчи бўлди. Энг кам овоз Улитау вилоятининг 28-сонли сайлов округида Ерболат Сатибалдин (44 406 овоз) томонидан қайд этилган.
Светлана Шестернёва, Олмаота
Изоҳ (0)