Шавкат Умрзоқов Тошкент шаҳри ҳокими вазифасини бажарувчи этиб тайинланди.
У бунга қадар “Ўзавтосаноат” компанияси раиси лавозимида ишлаб келаётганди.
Аввалроқ “Дарё” мухбири мазкур хабар юзасидан Тошкент шаҳар ҳокимлиги ахборот хизмати раҳбари Мукаррам Азимова билан боғланганди.
2018 йилдан бери Тошкент шаҳар ҳокими лавозимида ишлаб келган Жаҳонгир Ортиқхўжаев жорий йил 16 январь куни Шавкат Мирзиёев ўтказган энергия ресурслари таъминотига доир йиғилишда ишдан олинганди.
Президент йиғилишда ҳоким аномал сувуқда энерготаъминотда кузатилган узилишларга сабабчи бўлгани, қиш мавсумига лозим даражада тайёргарлик кўрмагани учун лавозимидан озод этилганини айтган. 16 январдан бошлаб, Жаҳонгир Ортиқхўжаев ўрнига Тошкент шаҳар ҳокимининг биринчи ўринбосари Бахтиёр Раҳмонов Тошкент шаҳар ҳокими вазифасини бажарувчи этиб тайинланган.
Изоҳ (0)