Pop қироли Майкл Жексон ҳақидаги биографик фильмда бош ролни унинг 26 ёшли жияни, хонанда Жафар Жексон гавдалантиради.
Жафар Майклнинг акаси Жермейн Жексоннинг ўғли ҳисобланади. Майкл Жексон ролининг бўлажак ижрочиси 12 ёшидан бошлаб қўшиқ куйлайди ва рақсга тушади. Жафар аллақачон ижтимоий тармоқларга марҳум амакисининг машҳур позаси туширилган суратини жойлаштирган.
“Майкл амакимнинг ҳикоясини ҳаётга татбиқ этиш мен учун шараф. Бутун дунёдаги барча мухлисларга: тез орада кўришгунча”, — деб ёзади хонанда ижтимоий тармоқлардаги саҳифасида.
Биографик фильмни “Машғулот куни” ва “Адолат ҳимоячиси” фильмларини суратга олган режиссёр билан Антуан Фуку бошқаради. Лойиҳанинг сценарий муаллифи Жон Logan (“Авиатор”, “Гладиатор” фильмлари сценарий муаллифи). Премьера санаси ҳозирча маълум қилинмаган.
Изоҳ (0)