Рақамли технологиялар вазирлигида қатор тайинловлар амалга оширилди

Шавкат Мирзиёевнинг қарори билан 31 январь куни Рақамли технологиялар вазирлигида қатор тайинловлар амалга оширилди. Бу ҳақда ЎзА хабар берди.

Қарорга кўра:

• Олег Пекос рақамли технологиялар вазирининг биринчи ўринбосари лавозимига;
• Жамол Maxсудов рақамли технологиялар вазирининг ўринбосари лавозимига;
• Рустам Каримджонов рақамли технологиялар вазирининг ўринбосари лавозимига (аввал — халқ таълими вазирининг ўринбосари эди);
• Шухрат Кадиров Рақамли технологиялар вазирлиги ҳузуридаги Космик тадқиқотлар ва технологиялар агентлиги директори лавозимига;
• Аъзам Абдуллаев Рақамли технологиялар вазирлиги ҳузуридаги Ахборотлаштириш ва телекоммуникациялар соҳасида назорат инспекцияси бошлиғи лавозимига тайинланди.

Шунингдек, Дониёр Рустамов бошқа ишга ўтиши муносабати билан ахборот технологиялари ва коммуникацияларини ривожлантириш вазирининг ўринбосари лавозимидан, Жамшид Эгамбердиев бошқа ишга ўтиши муносабати билан ахборот технологиялари ва коммуникацияларини ривожлантириш вазирининг ўринбосари лавозимидан озод этилди.