Uzbekistan Airways баҳор мавсумидан бошлаб Италиянинг Милан ва Франциянинг Париж шаҳарларига авиақатновларни тиклайди.
Авиакомпания матбуот хизматининг маълум қилишича, 28 мартдан бошлаб Тошкент—Милан—Тошкент ва 31 мартдан Тошкент—Париж—Тошкент йўналишида авиақатновларни амалга ошириш бошланади.
Парвозлар ҳафтада икки марта — сешанба ва жума кунлари амалга оширилади.
Тошкент–Милан йўналишида авиачипталар 4 391 000 сўмдан, Тошкент—Милан—Тошкент йўналишида эса 6 084 752 сўмдан бошланади. Тошкент—Париж йўналишида авиачипталар 4 317 000 сўмдан, Тошкент— Париж —Тошкент йўналишида эса 6 337 975 сўмдан бошланади.
Изоҳ (0)