Жозе Моуриньо: “Наполи”ни А Серия ғолиблиги билан табриклайман
“Рома” бош мураббийи Жозе Моуриньо А Серия 20-тури доирасида “Наполи”га қарши кечадиган ўйин олдидан ўз фикрларини билдирар экан, ҳали чемпионлик масаласини ҳал қилмаган неполликлар клубини лига ғолиблиги билан табриклади.
“Наполи”ни мавсумнинг биринчи куниданоқ кўришга ўрганиб қолганимиздек даражада кўришни кутяпмиз. Умид қиламанки, мени тўғри тушунишади, “Наполи”ни чемпионат ғолиблиги билан табриклайман. Скудетто — уларники, “Наполи” совринни ютиб бўлди ва бунга муносиб.
Бу кучли жамоа, уларда яхши мураббий, жуда зўр ўйинчилар бор. Улар ёзда яхши ишлади, ҳозир эса ажойиб ҳаракат қилмоқда. Улар иккинчи ўриндан 12 очко фарқи билан олдинда, чемпионлик учун курашни истаган “Интер” билан 13 очколик фарқ (20-тур олдидан шундай эди — изоҳ “Дарё”). Бу катта фарқ.
“Интер”, “Милан” ва бошқа рақиблар етти ёки саккизта ўйинни кетма-кет ютадиган даражада барқарор эмас. Лучано жамоаси жуда яхши иш олиб борди, улар совринни ютди ва жамоа бунга муносиб.
Жозе Моуриньо, “Рома” бош мураббийи
“Наполи” 19-турдан кейин энг яқин таъқибчиси “Интер”ни 10 очкога ортда қолдирмоқда. 29 январь куни Лучано Спалетти шогирдлари “Рома”га қарши баҳс олиб боради. Ўйин Ўзбекистон вақти билан 30 январга ўтар кечаси 00:45 да бошланади.
