Сурхондарё вилоятининг Ангор, Термиз, Музработ, Жарқўрғон, Шўрчи ва Сариосиё туманларига 25 январь куни янги ҳокимлар тайинлангани ҳақида хабар берилган эди. Шу куни Узун, Денов, Олтинсой, Бойсун, Бандихон, Шеробод, Қизариқ туманларига ҳам янги ҳокимлар тасдиқланди.
Узун тумани ҳокими лавозимига Хабибулла Бозоров тасдиқланди.
Хабибулла Бозоров 1980 йил 3 апрелда Ангор туманида туғилган. 2003 йил Ички ишлар вазирлиги академиясини тугатган. Маълумоти бўйича мутахассислиги ҳуқуқшунос.
У 2003—2022 йилларда Ички ишлар органларида турли лавозимларда фаолият юритган. 2022 йилдан буён Тошкент шаҳар ИИBB Жамоат тартибини сақлаш бошқармаси бошлиғининг маънавий-маърифий ишлар бўйича ўринбосари лавозимида ишлаб келган.
Денов тумани ҳокими лавозимига Илҳом Аброров тасдиқланди.
Илхом Аброров 1971 йил 3 июлда Денов туманида туғилган. 1995 йил Тожикистон давлат университети, 2008 йил Давлат ва жамият қурилиши академиясини тугатган. Маълумоти бўйича мутахассислиги бухгалтерия ҳисоби, давлат ва жамият қурилиши.
У 1997—2020 йилларда маҳаллий ҳокимликлар ва Бандлик ва меҳнат муносабатлари вазирлигида турли лавозимларда фаолият юритган. 2020 йилдан буён Бандлик ва меҳнат муносабатлари вазирлиги бошқарма бошлиғи лавозимида ишлаб келган.
Олтинсой тумани ҳокими лавозимига Баҳром Маҳматраемов тасдиқланди.
Баҳром Маҳматраемов 1974 йил 7 июнда Денов туманида туғилган. 2000 йил Термиз давлат университети, 2006 йил Банк-молия академиясини тугатган. Маълумоти бўйича мутахассислиги автотранспорт корхоналари менежери, солиқлар ва солиққа тортиш.
У 1996—2021 йилларда Давлат солиқ қўмитаси, Молия вазирлиги, Ҳисоб палатасида турли лавозимларда фаолият юритган. 2021 йилдан буён Кинематография агентлиги бош директорининг ўринбосари лавозимида ишлаб келган.
Бойсун тумани ҳокими лавозимига Баходир Шукуров тасдиқланди.
Баходир Шукуров 1973 йил 1 январда Бойсун туманида туғилган. 1995 йил Тошкент давлат университети, 2004 йил Тошкент давлат юридик институти, 2006 йил Давлат ва жамият қурилиши академиясини тугатган. Маълумоти бўйича мутахассислиги физик, ҳуқуқшунос.
У 1994—2022 йилларда Экология давлат қўмитаси, Вазирлар Маҳкамаси ва Олий Мажлис Сенатида турли лавозимларда фаолият юритган.2022 йилдан буён Вазирлар Маҳкамасининг Экологик назорат бўлими мудири лавозимида ишлаб келган.
Бандихон тумани ҳокими лавозимига Абдумалик Алламуродов тасдиқланди.
Абдумалик Алламуродов 1977 йил 17 апрелда Термиз туманида туғилган. 1998 йил Термиз давлат университетини, 2003 йил Тошкент давлат юридик институтини тугатган. Маълумоти бўйича мутахассислиги иқтисодчи, ҳуқуқшунос.
У 2000-2022 йилларда Адлия, Прокуратура, Ички ишлар органлари, Тадбиркорлар мурожаатларини кўриб чиқиш қабулхонаси ҳамда Вазирлар Маҳкамасида турли лавозимларда фаолият юритган. 2022 йилдан буён Денов тумани ҳокими лавозимида ишлаб келган.
Шеробод тумани ҳокими лавозимига Зайнобиддин Халилов тасдиқланди.
Зайнобиддин Халилов 1973 йил 19 июнда Сариосиё туманида туғилган. 1995 йил Тошкент ирригация ва қишлоқ хўжалигини механизациялаш муҳандислари институти, 2006 йил Термиз давлат университетини тугатган. Маълумоти бўйича мутахассислиги гидротехника қурилиши, иқтисодчи.
У 2006-2022 йилларда монополия, қурилиш вазирлиги, рақобат қўмитаси, ҳисоб палатасида турли лавозимларда фаолият юритган. 2022 йилдан буён Ҳисоб палатасининг шўба мудири лавозимида ишлаб келган.
Қизириқ тумани ҳокими лавозимига Шерзод Ражабов тасдиқланди.
Шерзод Ражабов 1984 йил 26 январда Қизириқ туманида туғилган. 2007 йил Термиз давлат университети, 2014 йил Тошкент давлат иқтисодиёт университетини тугатган. Маълумоти бўйича мутахассислиги иқтисодчи.
У 2008—2021 йилларда Сурхондарё вилояти ҳокимлиги, “Ўзвиносаноат-холдинг” АЖ, Узумчилик ва виночиликни ривожлантириш агентлигида турли лавозимларда фаолият юритган. 2021 йилдан буён Алкогол ва тамаки бозорини тартибга солиш ҳамда виночиликни ривожлантириш агентлиги директорининг ўринбосари лавозимида ишлаб келган.
Изоҳ (0)