Эҳтимол, машҳурлар учун оддий одамларга қараганда дўст бўлиш қийинроқдир, чунки уларнинг вақти кам, улар учун папарацциларнинг эътиборидан четда қолиш ва дўстона учрашувларда объективга тушмаслик қийин. Қолаверса, ҳамма ҳам бировнинг муваффақиятидан қувонмаслигини унутмайлик. Аммо агар дўстлик ҳақиқий бўлса, бундан фақатгина қувониш керак.

Хейли Болдуин ва Селена Гомес

Қизлар Жастин Бибернинг севгиси ва эътибори учун курашаётгани ҳақида кўп гапирилади. Аслида эса ундай эмас: Хейли ҳар доим Бибер ва Гомес ўртасидаги муносабатларни қўллаб-қувватлаган. Улар ажрашгач, Жастин билан учрашишни бошлагандан сўнг эса Селена уни қўллаб-қувватлади ва мухлислардан уни ғийбат қилмасликни сўрайди. Умумий фотосуратларда дугоналар табассум қилган ҳолда бирга вақт ўтказишдан завқланишади.

Жейми Ли Кертис ва Мишель Йео

Мишель Йеони барча даврларнинг энг буюк жангари қаҳрамони деб аташган, бироқ унинг карераси ва ҳаётидаги энг муҳим роли бўлган “ўша рол” унга 59 ёшида келган ва ўз истеъдодининг барча қирраларини намойиш эта олди. Бунинг учун у энг яхши актриса сифатида мукофотга сазовор бўлди. Унинг дўсти ва ҳамкасби Жейми Ли Кертиснинг маросимдаги реакцияси эса мемга айланди. Кейинчалик Жейми бу лаҳза тасвирланган футболкада юрди.

Женнифер Гарнер ва Риз Уизерспун

Бу машҳур актрисалар ижтимоий тармоқларда ҳазил қилишни ва бир-бирлари учун кутилмаган совғалар уюштиришни яхши кўради. Дугонасининг туғилган кунида Гарнер парад либосини кийиб, Уизерспун шарафига саксафонда куй чалади. Ризнинг сўзларига кўра, Женнифер ажойиб дўст, чунки у доимо унинг ҳазиллари ва ўхшамаган рақс ҳаракатларидан кулади.

Тейлор Свифт ва Кети Перри

Карьерасининг бошида қизлар зиёфатларга бирга борган, мушуклар ҳақида суҳбатлашган, туғилган кунларини нишонлашган. Кети ҳатто Тейлорга биргаликда қўшиқ ёзишни таклиф қилади. Кейин уларнинг дўстлиги севги учбурчаги томонидан деярли йўқ қилинади: Свифтнинг собиқ севгилиси Перри билан учрашишни бошлади. Аммо ҳаммаси яхши якунланди: Перри узр сўради ва тез орада дугонасининг видеосида пайдо бўлди.

Эмма Стоун ва Женнифер Лоуренс

Қизларнинг дўстлашишига Вуди Харрелсон сабабчи бўлган, у бир актрисанинг рақамини бошқасига бериб, улар гаплашишса, албатта умумий мавзу топишларини айтади. Эмма Женниферга унинг рақамини Вудидан олгани ҳақида SMS юборади. Лоуренс дугонаси ҳақида шундай дейди: “Мен Эммани яхши кўраман. У жуда ажойиб, жуда мафтункор”.

Элле Феннинг ва Анжелина Жоли

Анжелина ва Элле суратга олиш майдончасида танишади. Ёшдаги катта фарққа қарамай, Феннинг уларнинг дўстлиги йиллар давомида мустаҳкамланганини айтади: “Мен вояга етдим, энди биз турли хил нарсалар ҳақида гаплаша оламиз. Ундан ҳамма нарсани сўрашим мумкинлигини ҳис қиляпман”.

Женна Ортега ва Эмма Майерс

Эмма Майерс ва Женна Ортега бир-бирига мутлақо қарама-қарши характерга эга бўлсада, хонадош бўлишга мажбур бўлган “Уэнздей” сериалидаги қаҳрамонларни ўйнашди. Энид Синклер қувноқ, пушти ва юмшоқ ўйинчоқларни яхши кўради. Уэнздей Аддамс эса қора ва даҳшатли сирларни ғамгин, жимгина севувчидир. Сериалда улар дўст бўлишади. Аммо қизлар нафақат экранда, балки ҳақиқий ҳаётда ҳам энг яхши дўст эканлиги маълум бўлди. Улар бир-бирларининг ижтимоий тармоқлардаги постлари остига ўз фикрларини қолдирадилар. Эмма Женна ҳақида шундай дейди: “У ажойиб қиз, уни яхши кўраман”.

Майя Рудольф ва Гвинет Пелтроу

Бир куни Гвинет Пелтроу телешоуни олиб борайтиб Майяни кўрганида жим туролмайди: “Дугонам ҳам ҳозир шоуда ва мен у билан жуда фахрланаман. Биз бир-биримизни етти ёшимиздан бери биламиз, у жуда ажойиб ва истеъдодли. Унинг исми — Майя Рудольф”. Бундан ташқари, актрисалар битта бошланғич мактабда ўқишган.

Дакота Феннинг ва Элизабет Олсен

Ёш фарқига қарамай (Элизабет Дакотадан 5 ёш катта), қизлар ажойиб дўст, ҳатто “Жуда яхши қизлар” фильмида бирга рол ўйнашган. Улар бирга велосипед минишади, баъзида эса бир хил кийинишади.