Ижтимоий тармоқларда Тошкент шаҳрининг Шайхонтоҳур туманида портлаш содир бўлгани ҳақида хабарлар тарқалди. ФВВ матбуот хизмати буни рад этди.
Қайд этилишича, 9 декабрь куни соат 06:00 да Тошкент шаҳар Шайхонтоҳур тумани «Кўкча» МФЙ Генерал Узоқов кўчасида жойлашган савдо дўконларининг бирида ёнғин содир бўлаётгани тўғрисида шаҳар ФВБга хабар келиб тушган.
Шунга кўра 4 та ёнғин-қутқарув экипажи соат 06:09 да воқеа жойига етиб борган ва ёнғин соат 06:16 да ўчирилган.
«Ёнғин натижасида 20 квадрат метр майдонда енгил конструкциядан қурилган озиқ-овқат дўкони ёниб зарарланган. Воқеа жойида ҳеч қандай портлаш ҳолатлари юз бермаган», — дейилади хабарда.
Изоҳ (0)