Париждаги Шарл де Голл аэропортида 18 йил яшаган эронлик қочқин вафот этди, дея хабар бермоқда The Guardian аэропорт расмийларига таяниб.
Меҳран Карими Нассерий 12 ноябрь куни тушга яқин 2Ф терминалида юрак хуружидан вафот этди. Аэропорт вакилининг сўзларига кўра, полиция ва тиббиёт гуруҳи унга ёрдам кўрсатган, бироқ уни қутқара олмаган.
1945 йилда туғилган деб ҳисобланувчи Карими Нассерий 1988—2006 йилларда Шарл де Голл аэропортининг I терминалида яшаган. Аэропорт вакилининг сўзларига кўра, у сўнгги ҳафталарда яна аэропортга қайтиб, шу ерда ҳаёт кечирган.
Унинг ҳаёти америкалик кинорежиссёр Стивен Спилбергни «Терминал» фильмини яратишга илҳомлантирган, фильмда бош ролни Том Хенкс ижро этган.
Изоҳ (0)