2022 йил 8 ноябрь куни Ой қизил тусга киради. Бундай ҳолат Ер Қуёш ва Ой оралиғидан ўтаётганида Ернинг сояси Ойни тўсиб қўйганида юз беради. Ушбу ҳодиса тўлиқ Ой тутилиши деб аталади. Бу ҳақда Старwалк хабар бермоқда.
Тўлиқ Ой тутилиши нақ 85 дақиқа давом этиши кутилмоқда. Афсуски, бу табиий ҳодисани Ер шарининг ўша вақтда тун бўлган қисмларидагина кузатиш мумкин бўлади.
Ой тутилиши учта босқичда бўлиб ўтади, булар — Ойнинг ярим, қисман ва тўлиқ тутилиши босқичларидир.
Eclipse Гуиде иловасига кўра, Ўзбекистонда Ойнинг қисман тутилиши босқичини кўриш мумкин бўлади.
Ўзи умуман Ойнинг ярим тутилиш босқичи Тошкент вақти билан 13:02 да, тўлиқ тутилиш босқичи эса 15:16 да бошланади. Бу фазаларни Ўзбекистон аҳолиси кўра олмайди. Бироқ тўлиқ Ой тутилиши 16:41 да тугаб, яна қисман тутилиш босқичи бошланганида, буни Ўзбекистон ҳудудидан кўриш мумкин бўлади. Қисман тутилиш босқичи 17:49 гача давом этади, сўнг ярим тутилиш босқичи бошланади ва 18:56 гача давом этади.
Демак, 8 ноябрь куни Тошкент вақти билан 16:41 дан 17:49 гача бўлган вақт оралиғида Ой тутилишининг қисман тутилиш босқичини кўриш мумкин бўлади. Уни махсус ускуналарсиз ҳам кузатиш мумкин бўлади.
Бундан аввалги тўлиқ Ой тутилиши 16 майга ўтар кечаси юз берган, унга Шимолий ва Жанубий Америка аҳолисининг катта қисми гувоҳ бўлган эди.
Изоҳ (0)