Тошкентда бола ўғрилари пайдо бўлгани ҳақидаги хабарлар рад этилди

Ижтимоий тармоқларда Тошкентда бола ўғирилари пайдо бўлгани ҳақида миш-мишлар тарқалмоқда. ИИВ ахборот хизмати раҳбари Шоҳрух Ғиёсов бу каби хабарлар асоссиз ва ҳақиқатдан йироқлигини маълум қилди.

Тарқалган овозли хабарда Тошкентдаги 38-Ором мактаби ёнида, Қорасарой турар жой мажмуасида, Қорасувда ва бошқа ҳудудларда бола ўғирлашга уринишлар қайд этилган. Хабарга кўра, бир нечта бола дом-даракциз йўқолган. Овозли хабар йўллаганлардан бири бу ишларга депутатлар муносабат билдирмаётгани, мутасаддилар томонидан тегишли чоралар кўрилмаётгани ҳақида гапирган.

Шоҳрух Ғиёсов интернет орқали ёлғон маълумот тарқалишига сабабчи бўлаётган субъектларнинг ҳаракатларига ҳуқуқий баҳо берилишини билдирди.