Жиззах вилояти Ғаллаорол туманида 3 август куни одам ўлими билан боғлиқ йўл-транспорт ҳодисаси содир бўлди. Бу ҳақда вилоят Ички ишлар бошқармаси хабар қилди.
Қайд этилишича, ҳолат шу куни соат 12:00 ларда 4К-237 Ғаллаорол—Қўйтош автомобиль йўлининг Ғаллаорол тумани Кўкбулоқ ҚФЙ ҳудудидан ўтган 10-километрида юз берган. «Бахт» МФЙда яшовчи шахс (1986 йилда туғилган) Cobalt машинаси билан Қўйтош йўналиши бўйича ҳаракатланаётиб, йўлнинг ўнг томонида велосипед бошқариб кетаётган Чаёнли қишлоғида яшовчи бола (2014 йилда туғилган) ва унинг синглисини (2016 йилда туғилган) уриб юборган.
ЙТҲ оқибатида 8 ёшли бола оғир тан жароҳатлари олиб, воқеа жойида вафот этган. 6 ёшли синглиси эса чап чаноқ ёпиқ синиши, қорин бўшлиғи шикасти ташхиси билан туман тиббиёт бирлашмасига қарашли шифохонанинг жонлантириш бўлимига ётқизилган.
Ҳолат юзасидан жиноят иши қўзғатилган.
Изоҳ (0)