Суперлигада июнь ойининг энг яхшилари аниқланди

ПФЛ Суперлиганинг июнь ойидаги энг яхшилари номини маълум қилди.

«Навбаҳор» футболчиси Жамшид Искандаров июнь ойининг энг яхши ўйинчиси деб топилди. Искандаров июнь ойидаги учта ўйинда иккита гол уришга эришди.

Ушбу соврин учун, шунингдек, қуйидаги футболчилар кураш олиб борганди: Александр Станисавлевич («Қизилқум»), Акмал Мозговой («Насаф»), Фаррух Сайфиев («Пахтакор»), Пўлатхўжа Холдорхонов («Олимпик»), Ҳусайн Норчаев («Насаф»), Темурхўжа Абдухолиқов («Қизилқум»), Беҳзод Шамсиев («Олимпик»), Шукрон Йўлдошев («Олимпик»).

«Олимпик» устози Тимур Кападзе ой якунлари бўйича энг яхши мураббий номига лойиқ кўрилди. Кападзе жамоаси ўтган ойда 4 та ўйин ўтказиб, битта ғалаба ва 3 та дуранг қайд этди, тўплар нисбати — 4:3.

Июнь ойининг энг яхши мураббийи номига қуйидагилар ҳам даъвогар бўлганди: Виктор Карпенко («Бунёдкор»), Самвел Бабаян («Навбаҳор»), Славче Войнески («Пахтакор»), Рўзиқул Бердиев («Насаф»).

Апрель ойида энг яхши мураббий Миржалол Қосимов («ОКМК»), энг яхши ўйинчи Игнатий Нестеров («Қизилқум») бўлганди. Май ойида эса «Насаф» ярим ҳимоячиси Ойбек Бозоров энг яхши футболчи, «Насаф» устози Рўзиқул Бердиев эса энг яхши мураббий деб топилганди.