Ла Лига. «Барселона» сўнгги дақиқаларда урилган гол эвазига ғалабани илиб кетди
Футбол бўйича Испания Ла Лигасининг 35-турида «Барселона» 7 май, шанба куни «Бетис» билан баҳс олиб борди.
Учрашувнинг 76-дақиқасида Ансу Фати меҳмонларни ҳисобда олдинга олиб чиқди. Орадан 3 дақиқа ўтиб, Марк Бартра собиқ жамоаси дарвозасини ишғол қилиб, мувозанатни тиклади. Ўйиннинг сўнгги дақиқаларида Хорди Альба каталонияликларнинг ғалаба голини урди.
Хави шогирдлари очколари сонини 69 очкога етказди ва 2-ўринни мустаҳкамлади. «Бетис» эса 58 очко билан 5-поғонада қолди.
Ла Лига
35-тур баҳси
7 май, шанба
«Бетис» — «Барселона» 1:2
Голлар: 0:1 – 76 Фати, 1:1 – 79 Бартра, 1:2 – 90 Альба.«Бетис»: Браво (Руй Сильва, 17), Сабали, Бартра, Песселя, Морено, Гуардадо (Родри, 77), Каналес, Родригес, Хуанми (Вильям Карвалью, 77), Фекир, Иглесиас.
«Барселона»: Нето, Дани Алвес, Араухо, Эрик Гарсия, Альба, Бускетс, де Йонг, Гави (Пуч, 79), Депай (Обамеянг, 66), Дембеле (Траоре, 74), Ферран Торрес (Фати, 75).
Огоҳлантиришлар: Бускетс (64), Бартра (72), Дани Алвес (78).
