Украина ҳукуматининг бир ой давомида урушга сарфлаган харажатлари, тахминан, 10 миллиард АҚШ долларини ташкил этади. Украина Молия вазирлиги президент Валдимир Зеленский раҳбарлигида иқтисодий блок вакиллари билан ўтказилган йиғилишда маълум қилган, дея хабар берган «Интерфакс».
«Йиғилишда молиявий сарф-харажатларнинг манбалари, хусусан, солиқ тушумлари ва Украинага халқаро ҳамкорлар томонидан берилаётган ёрдам муҳокама қилинди. Апрель ойидан солиқнинг соддалаштирилган тизимига ўтиш истиқболлари таҳлил этилди», – дейилади хабарда.
Шунингдек, ҳукумат вакиллари ер эгаларини ёқилғи билан таъминлаш ва баҳорги экин экиш кампаниясини ўтказишни ҳам муҳокама қилган. Ёқилғи импортининг диверсификация йўллари кўриб чиқилган.
Аввал Байден Украинани қурол, пул ва озиқ-овқат билан таъминлашга ваъда бергани, Еврокомиссия Украинага 1,2 миллиард евро ажратишни маъқуллагани, шунингдек, январь бошида АҚШ администрацияси Украинага қўшимча 200 миллион долларлик ҳарбий ёрдам кўрсатишни 2021 йил декабрида маъқуллагани, 2022 йил 1 февралда эса АҚШдан яна 84 тонна ҳарбий ёрдам Украинага етказиб берилгани хабар қилинган. Пентагон ҳозирда Украинага 15 та давлатдан қуроллар етказилганини билдирган.
Россия—Украина урушига оид тезкор, ишончли янгиликлар ва маълумотларни «Дарё»нинг Live саҳифаси орқали кузатиб боринг → @Daryo_Live
Изоҳ (0)