17 март куни Ўзбекистон президенти Шавкат Мирзиёев «2022 йилги Наврўз умумхалқ байрамига тайёргарлик кўриш ва уни ўтказиш тўғрисида»ги қарорни имзолаган эди. Унга мувофиқ, байрамда мамлакатда «Ассалом, Наврўз – янгиланиш, меҳр-оқибат ва қадр-қиммат айёми!» деган бош ғоя асосида умумхалқ сайллари шаклида кенг нишонланиши, Қорақалпоғистон, вилоятлар марказлари ва Тошкент шаҳрида, шунингдек, барча шаҳар ва туманлар, қишлоқ ва овулларда умумхалқ сайллари шаклида ўтказилиши белгиланганди.
Кейинроқ давлат раҳбарининг «2022 йилда расмий саналарни нишонлаш даврида қўшимча ишланмайдиган кунларни белгилаш ва дам олиш кунларини кўчириш тўғрисида»ги фармонига кўра, март ойида ҳафтасига беш кун ишлайдиган ходимлар учун беш кун кетма-кет дам олиш кунлари бўлиши, барча ходимлар учун 22 март, сешанба ва 23 март, чоршанба кунлари дам олиш куни этиб белгилангани хабар қилинди.
19 мартдан бошлаб Тошкент шаҳрининг турли ҳудудларида халқ сайллари, томоша ва концертларга старт берилди. Эрталабдан истироҳат боғлари одамлар билан гавжумлаша бошлади. «Дарё» фотомухбири уларнинг айримлари бўлиб, эътиборга молик лаҳзаларни кадрларга муҳрлади.
Мавзуга доир:
- Тошкентда Наврўз байрами кунлари йўловчи автобуслари иш вақтининг тугаши бир соатга узайтирилади
- Наврўз байрами муносабати билан Нурафшон шаҳрига автомобилларнинг кириб-чиқиши чекланади
- Наврўз байрами кунлари Ўзбекистонда қандай об-ҳаво кутилмоқда?
- Сурхончага ўйнаётган отахонлар, ёш мухлиси билан селфи қилган Ҳосила, аёллар қуршовидаги Маҳмуд Намозов — Сурхондарёдаги Наврўздан репортаж
Изоҳ (0)