Халқ депутатлари Самарқанд вилояти кенгаши котибияти мудири лавозимида фаолият олиб борган Шерали Йўлдошев Нуробод тумани ҳоким этиб тайинланди. Бу ҳақда вилоят ҳокимлиги ахборот хизмати маълум қилди.
Таъкидланишича, Нуробод тумани ҳокимлигида ўтказилган халқ депутатлари туман кенгашининг навбатдан ташқари сессиясида ташкилий масала кўрилган.
Вилоят ҳокими Эркинжон Турдимов иштирок этган мазкур сессияда туман раҳбарлигига Йўлдошев Шерали Мамараимович номзоди кўрсатилиб, депутатлар томонидан маъқулланган.
Эслатиб ўтамиз, Нурободнинг собиқ ҳокими Фахриддин Зоиров 2022 йилнинг 10 февраль куни президент Шавкат Мирзиёевнинг вилоятга ташрифи вақтида фаолиятидаги жиддий хато ва камчиликлари сабаб ишдан олинганди.
Изоҳ (0)