Ўзбекистоннинг аксарият ҳудудларида 26 декабрь куни қор ёғиши кузатилди. Аввалроқ «Ўзгидромет» якшанба куни Ўзбекистонда ҳаво ҳарорати -2 даража совуқдан +3 даража илиққача ўзгариб туриши, Қорақалпоғистон, Хоразм (ушбу ҳудудларда бир кун аввал қор кузатилган) ва Фарғона водийсидан бошқа барча ҳудудларда ёғингарчилик (ёмғир, қор) бўлиши, Тошкентда ёмғир қорга айланиши ҳақида ахборот берганди. Ноқулай об-ҳаво шароити туфайли Тахтақорача довони ёпилди, ИИВ Йўл ҳаракати хавфсизлиги бош бошқармаси ҳайдовчилардан эҳтиёткорликни оширишни сўрамоқда.
Қуйида қор бурканган ҳудудлардан олинган видеолавҳалар билан танишиш мумкин.
Навоий вилояти
Самарқанд вилояти
Қашқадарё вилояти
Тошкент шаҳри
Шунингдек, 25 декабрь куни Қорақалпоғистон Республикаси ва Хоразм вилоятида ҳам қор ёғиши кузатилган.
Изоҳ. Материалнинг биринчи таҳририда 26 декабрь куни Қорақалпоғистон ва Хоразмда қор ёғгани ҳақида ноаниқ ахборот берилган эди. Ахборотга тузатиш киритгани учун Telegram’даги @uzb_meteo каналига миннатдорчилик билдирамиз.