Шавкат Мирзиёев 24 декабрь куни Озарбайжон президенти Илҳом Алиев билан телефон орқали мулоқот қилди.
Президент матбуот хизматининг хабар беришича, давлат раҳбари Илҳом Алиевни 60 йиллик юбилейи билан самимий табриклаб, унга мустаҳкам соғлик, фаровонлик ва катта муваффақиятлар, Озарбайжон халқига эса тинчлик-осойишталик ва равнақ тилади.
Суҳбат давомида Ўзбекистон—Озарбайжон стратегик шериклик ва кўп қиррали ҳамкорлик муносабатлари кун тартибидаги долзарб масалалар кўриб чиқилган. Давлат раҳбарлари устувор тармоқ ва йўналишларда, шу жумладан, машинасозлик, энергетика, қишлоқ хўжалиги, транспорт ва логистика соҳаларида амалий ҳамкорлик бўйича лойиҳаларни жадал илгари суриш муҳим эканини қайд этган.
Минтақавий сиёсат ҳамда халқаро ташкилотлар доирасидаги ҳамкорлик масалалари юзасидан ҳам фикр алмашилган. Бўлажак тадбирлар режаси кўриб чиқилган.
Эслатиб ўтамиз, Шавкат Мирзиёев сўнгги марта Озарбайжон президенти билан 5 ноябрь куни телефон орқали мулоқот қилиб, Озарбайжон президенти ва халқини Ғалаба куни билан табриклаганди.
Изоҳ (0)