Булғор қалампири витаминларга бойлиги билан бирга, ундан турли хил мазали таом ва салатлар тайёрлаш мумкин. Навбатдаги мазали таом ҳам айнан булғор қалампири ёрдамида тайёрланади.
Керакли маҳсулотлар:
- булғор қалампири — 1 дона;
- тухум — 2 дона;
- картошка — 2 дона;
- пиёз — 1 дона;
- саримсоқ — 3 бўлак;
- зайтун ёғи ва туз.
Булғор қалампири иккига бўлиниб, тозаланади. Булғорилар фольга қоғози устига қўйилиб, зайтун ёғи ва туз сепилади. 180 даража печга 15 дақиқага қўйилади.
Пиёз ва саримсоқ тозаланиб, майда тўғралади. Товада бироз қовуриб олинади.
Картошка ҳам тозаланади ва паррак шаклида тўғралиб, пиёз ва саримсоқ устидан солинади. Бироз туз қўшиб қовурилади.
Қовурилган аралашма булғорилар ичига солинади ва яна 20 дақиқага печга қўйилади.
Булғорилар печдан олиниб, устига тухум чақилади ва яна 8 дақиқага қўйилади.
Тайёр бўлгач, иссиқлигича дастурхонга тортилади.
Ёқимли иштаҳа!
Изоҳ (0)