Тошкент вилояти Чирчиқ шаҳрида тадбиркорнинг 33 000 АҚШ долларини қўлга киритган фирибгар аниқланди, дея хабар бермоқда Бош прокуратура ҳузуридаги департамент ахборот хизмати.
Қайд этилишича, департаментнинг Чирчиқ шаҳар бўлими томонидан тадбиркорлик субъектларининг ҳуқуқларини ҳимоя қилиш юзасидан ўтказилган терговга қадар текширувда фуқаро Х.С. «Х.Б.» МЧЖ раҳбарининг ишончига кириб, унга шерикчилик асосида чет-элдан қишлоқ хўжалиги экинлари учун зарур бўлган минерал ўғитлар олиб келиб сотишни таклиф қилган. Шу орқали кўрилган фойдадан маълум қисмини бериб туришни ваъда қилиб, алдов йўли билан унинг 33 000 АҚШ долларини қўлга киритган.
Х.С. олган барча пулларини 1XBet интернет ўйинларида ютқазиб қўйгани аниқланган.
Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, ҳозирда тергов ҳаракатлари ўтказилмоқда.
Мавзуга доир:
- Бухорода аёлининг 1,2 млн сўмини ўғирлаб, уни кўнгилхушликка сарфлаб юборган эркак буни яшириш учун ўзини ўзи калтаклади
- Тошкентда раҳбарининг 6 млн сўм пулини тотализаторга тикиб, ютқазиб қўйган йигит ўзини пичоқлади
- Самарқандда ўғирлаган қарийб 20 млн сўмини тотализаторга тикиб юборган йигитга жиноят иши қўзғатилди
Изоҳ (0)