Бетакрор актриса Кэйт Бекинсэйл 48 ёшда ҳам жозибали кўринишининг сири нимада? (фото)

Ўз даврида романтик фильмларнинг эталон-қаҳрамони бўлгани Голливуд актрисаси Кэйт Бекинсэйлнинг гўзаллик сири ҳақида маълумот берамиз.

Кэйтнинг болалигиданоқ вазн билан боғлиқ муаммоларга дуч келганини эшитиб ажабланади киши. Кэйт отасини жуда эрта йўқотди, отаси вафот этганда у олти ёшга тўлмаган эди. Онаси иккинчи марта турмушга чиқди ва ўгай отаси унинг ижодий ишларини қўллаб-қувватлаган бўлса-да, Кэйт онасининг бу танлови билан келиша олмади. Бир мунча вақт у овқат емай қўйди ва анорексия ҳолатига келиб қолди. Ўгай отаси Рой Баттерсби ўжар қизчага ёрдам беришда ажойиб сабр-тоқат ва оталик меҳрини намойиш этди. Унинг ёрдами билан Кэйт нуфузли коллежга ўқишга кирди, адабиётга қизиқди ва ҳатто ёш ёзувчилар танловида финал иштирокчисига айланди. Айтганча, Бекинсэйл ҳавас қиларли маълумотга эга: коллеждан сўнг у Оксфорддаги француз ва рус адабиёти факультетига ўқишга кирди.

Ақлли, чиройли ва собитқадам қиз кўп йиллар давомида романтик қаҳрамонлар образида намоён бўлган. Ҳаммаси «Бошқа дунё» эпопеясида бош ролни ўйнаш таклифи туфайли ўзгарди. Унинг ижросидаги чарм комбинезон кийган Селин образи киносаноатнинг энг жозибали қаҳрамонидан бирига айланди. Натижада Кэйт бир зумда дунёдаги энг чиройли аёллар рўйхатига киритилди. Қизиғи шундаки, актриса ҳали ҳам ушбу мақомни сақлаб қола олган. Айтганча, у ўзининг гўзаллик сирлари билан бўлишишни ёқтирмайди. Маълумки, Кэйт спортнинг ашаддий мухлиси. Унинг бир куни ҳам машғулотларсиз ўтмайди, келишган қадди-қомати эса буни тасдиқлайди.

Кэйтнинг овқатланиш тартиби ҳам унчалик оддий эмас. Ўтмишдаги муаммолари сабабли Кэйт узоқ вақтгача гўштдан воз кечганди, аммо кейин у яна истеъмол қила бошлади. Актриса ўзини энергияга тўла ҳис қилиш учун ўсимлик оқсиллари етарли миқдорда эмаслигини тан олди. Бекинсэйл ширинликларни яхши кўради ва ўзини тез-тез сийлаб туради, кейин эса спорт залига югуради.

«Ўзининг туғилган кунида ҳам бир бўлак торт еёлмайдиганлардан бири бўлишни истамайман», — деб ҳазиллашади Кэйт.

Актриса пластик жарроҳлик ва гўзаллик уколларини рад этади. Актриса рад эта олмайдиган ягона нарса бу — юз парвариши учун кундалик ниқоблардир.