Актриса Зуҳра Солиева ошқозонини кичрайтириш операциясидан сўнг икки ойда 15 килограмм озганини маълум қилди.
Бу ҳақида актриса YouTube’даги YashinTV каналида гапириб берди.
Ошқозонимни кичрайтириш операциясини фақат озиш учун қилмадим. Аввало соғлиғимни тиклаш учун қилдим. Бўқоғим бор эди, шишиб юрардим, фитнессга борсам ҳам, умуман, таъсир қилмас эди.Оддийгина пандемия вақтида ҳар куни югурардим, юрардим, аммо 100 грамм ҳам озмадим, аксинча бўғинларимда оғриқлар пайдо бўлди. Табиатан жуда кам овқатланаман, нафсим ёмон эмас, аммо ҳамиша шишиб юрардим.
Вақтида турмушга чиқмаганим, чиққанимда ҳам доимий стрессда бўлганим, вақтида фарзандли бўлмаганим сабабли гормонларим тескари ишлаган. Гормон тескари ишласа ёки фаолияти бузилса кўплаб касалликларни олиб келаркан.
Бундан бир ярим йил аввал ошқозонни кичрайтириш операциясини қилдиришга қарор қилдим. Ўша вақтда ўзимизда бу жарроҳлик амалиётини қилиш йўлга қўйилмаган. Фақатгина бу жарроҳлик операциясини Туркияда қилса бўлар экан, операция нархини эса 10 000 доллар дейишди. Бу мен учун жуда қимматлик қиларди. Бунча пулни топа олсам ҳам барибир ўзимга сарфлаб юборишга қизғонар эдим.
Кейин Боку шаҳридан келган шифокорлар томонидан операция бўлиб ўтди. Шифокорлар жуда ҳам яхши муолажа қилди. Ҳамширалар ҳам тун-у кун парвона бўлди.
Бундан аввал бошқа бир шифохонага бордим, у шифохонада қабулхонанинг ўзидаги муомала ёқмади. Улар менга шунақа муомала қилишганидан кейин, оддий одамларга қандай қарашар экан, ҳайронман. Шу сабаб у шифохонага бормадим.
Икки ой ичида 15 килограмм ортиқча вазн ташладим.
Ошқозонимни кичрайтириш учун 4 500 доллар пул кетди. Тўғриси менга чегирма ҳам қилиб беришди.
Ҳозир ўзимдан пулни аясам, бу каттароқ касалликларни ҳам келтириб чиқариши мумкин эди. Ҳозир худога шукр аҳволим яхши.
Зуҳра Солиева, актриса