Ўзбекистон Марказий банки банк карталаридан фойдаланадиган фуқароларни турли фирибгарлардан огоҳ бўлишга чақириб, бир марталик юборилган SMS-кодларни ҳеч кимга бермасликни эслатди.
Таъкидланишича, мобил телефонга келган бир марталик SMS-код, мобил иловалар, веб-иловаларга кириш ҳуқуқини берувчи логин ва пароллар банк ходимлари томонидан сўралмайди.
«Қўл телефонингизга қўнғироқ қилиб, ўзини Марказий банк, тижорат банки, тўлов ташкилоти ёки тўлов тизими операторининг номидан хавфсизлик, пластик карта, мижозларни қўллаб-қувватлаш ёки бошқа бўлим ходими деб таништириб, мобил иловангиз бузилгани, банк картангиз блок ҳолатига тушгани, картадан ноқонуний пул ечиб олишга уринишлар бўлаётгани ва шу каби турли уйдирмаларни келтирган ҳолда дарҳол чора кўрилмаса, барча маблағлардан айрилиши ҳақида айтиб, фирибгарлар томонидан ижтимоий инжинирингни қўллаган ҳолда турли психологик босим ўтказишга уриниш ҳолатлари, шулар жумласидандир», — дея қайд этади Марказий банк.
Хабарда фуқаролардан ҳеч қачон телефонга келган банк карталари билан боғлиқ бир марталик юборилган SMS-кодни, тижорат банклари, тўлов тизими операторлари ва тўлов ташкилотларининг мобил иловаларига кириш ҳуқуқини берувчи логин ва паролларни ҳеч қандай шахсларга айтмаслик сўралади. «Улар сиздан олган маълумотлар (SMS-код, логин ва пароль ва ҳоказо) орқали банк картангиздаги пул маблағларини кўчириб олиш ёки сизнинг рухсатингизсиз бошқариш имконини қўлга киритади», — дея қўшимча қилади банк.
Изоҳ (0)