Тошкентда 33 ёшли Н.М. бошқарувидаги Nexia ва 30 ёшли А.А. бошқарувидаги «РС200S» мотоцикли тўқнашди, деб хабар бермоқда пойтахт ИИББ матбуот хизмати.
Воқеа 14 апрель куни, тахминан, соат 08:20 да Мирзо Улуғбек тумани, Зиёлилар кўчасидаги «Узавтотранс» биноси қаршисида юз берган. Тўқнашув оқибатида мотоциклчи олган тан жароҳатларидан воқеа жойида ҳалок бўлган.
Дастлабки маълумотларга кўра, тўқнашувга енгил автомобиль ҳайдовчиси қайта бурилиш вақтида ҳаракат устуворлигига эга бўлган транспортни менсимагани сабаб бўлган.
Ҳолат юзасидан Жиноят кодексининг 266-моддаси 2-қисми (транспорт воситалари ҳаракати ёки улардан фойдаланиш хавфсизлиги қоидаларини бузиш одам ўлишига сабаб бўлиши) бўйича жиноий иш қўзғатилиб, тергов олиб борилмоқда.
Аввалроқ Навоийда Nexia уриб юборган велосипед ҳайдовчиси шифохонада вафот этгани, Фарғонада Lacetti йўлни кесиб ўтаётган 12 ёшли велосипедчини уриб кетгани ҳақида хабар берилган эди.
Изоҳ (0)