Қизил йўлакда энг катта ва оғир зиракларда кўриниш берган машҳур аёллар (фото)

Замонавий ҳамда бежирим зираклар образни янада бойитиши табиий. Аммо баъзи юлдузлар эътиборни тортишда меъёрни унутиб юборади. Марҳамат, қизил гиламчада ҳам энг катта, оғир ва узун зираклар таққан юлдузлар билан танишиб чиқинг.

Бейонсе

Бейонсе ва ҳашамат сўзи ҳамиша ёнма-ён келишига мухлислар ҳам кўникиб қолган. Хонанданинг услуби, албатта, камтарона эмас. У ташқи кўринишини кўпроқ қимматбаҳо аксессуарлар билан безатади. Шунингдек, бу борада катта ва оғир зиракларга ҳам чеклов қўймайди.

Хейли Бибер

Энг катта айлана услубидаги зиракларни Хейли Биберда кўриш мумкин. Митти қулоқлар зиракларнинг оғирлигига қандай қилиб дош берганини тасаввур қилиш қийин.

Бар Рафаэли

Модель Бар Рафаэли ҳам атрофдагилардан ажралиб туриш йўлини топди. У танлаган зираклар узунлигидан ҳаттоки елкасига ҳам тегиб туради. Шунинг учун ҳам сариқ сочли хоним мухлисларнинг эътиборидан четда қолмади.

София Вергара 

Мексикалик София Вергара узун зиракларнинг ҳақиқий ишқибози. Айтганча, у қулоқлари ҳақида қайғурмаса ҳам бўлади, сабаби улар бунга аллақачон ўрганиб қолган бўлиши керак.

Шерил Коул

Шерил Коул танловидан кейин қулоқлар азият чеккан бўлиши тайин. Олтиндан ясалган қандилни ёдга солувчи зиракларнинг оғирлигини тахмин қилиш мумкин. Шунингдек, бундай оғир юк билан чиройли табассум қилиш ҳам қийин бўлса керак...

Риз Уизерспун

Риз Уизерспун соч ва зирак борасида бироз камчиликка йўл қўйган. У бу каби ҳажмдор ва оғир зираклар учун бошқа соч турмагини танлаши керак эди. Афсуски, юлдуз бунинг аксини қилган ва сочларни ёйиб олишни афзал кўрган.

Николь Кидман

Николь бу борада модель Бар билан рақобатлаша олди. Унинг зираклари том маънода унинг елкаси узра тушиб турган. Энг қизиғи, ўша куни унинг қулоқлари қандай омон қолган экан?

Кейт Бланшетт

Кейт ҳам заргарлик буюмларининг мухлиси бўлиб, у кўпроқ ҳашаматга эътибор қаратади. Рангли тошлардан ташкил топган зиракнинг оғирлиги ҳам кўринишидан маълум.

Ирина Шейк

Россиялик модель Ирина Шейк ҳам қулоқларини аямайди. Юлдуз ҳамиша ҳашамдор зиракларни тақишни яхши кўради.

Кейт Бекинсейл

Актриса Кейт ҳам оғир зиракларни тақишдан чўчимайди, айниқса, улар жуда ҳам чиройли бўлса.