Filmfare Awards мукофотини «Энг яхши актриса» йўналиши бўйича 7 карра совриндори бўлган Рани Мукержи фаолиятини 90 йиллар сўнгида бошлаган бўлиб, бугунги қадар элликдан ортиқ лойиҳаларда иштирок этиб улгурган. Нозик, кучли, эмоционал қаҳрамонларни гавдалантириши мумкин бўлган актриса иштирокидаги энг яхши фильмлар ҳақида маълумот бериб ўтамиз.
«Ҳаётда ҳамма нарса бўлади» (1998)
Фильм сюжетига кўра Раҳул (Шоҳрух Хон) ва Анжали (Кажол) бир коллежда ўқийдиган қадрдон дўстлар бўлади. Кунлардан бир куни уларнинг ўқув муассасасига янги талаба Тина (Рани Мукержи) ўқишга келади. Тина ва Раҳул бир-бирини севиб қолади, аммо қиз Анжали йигитга кўнгил қўйганини яхши тушунади. Бу вақтда Раҳул Анжалига Тинани севиб қолгани ҳақида айтиб беради.
Қалби парчаланган Анжали ўқишни ташлаб, уйга қайтмоқчи бўлади. Севишганлар турмуш қурганидан кейин фарзандли бўлади. Дунёга келган қизга Анжали деб исм қўйган Тина орадан кўп ўтмай вафот этади. У қизига ҳар туғилган кунида ўқиш учун саккизта хат ёзиб қолдиради. Сўнгги хатида у дўстлиги Анжали ҳақида ҳикоя қилиб, қизидан отаси билан уни бирлаштиришини сўрайди.
«Аёл дарди» (2001)
Магнатнинг набираси Раж (Салмон Хон) дўстининг тўйида Прия (Рани Мукержи) билан танишмагунича ўзи истаганидек ҳаёт кечиради ва уйланиш нияти бўлмайди. Жуфтлик оила қурганидан кейин Прия ҳомиладор бўлади, аммо бахтсиз ҳодиса туфайли боласи тушиб қолади.
Шундан кейин шифокор улар бошқа фарзандли бўла олмаслигини маълум қилади. Жуфтлик бу янгиликни оила аъзоларидан яширишга ҳаракат қилади. Прия эрини бошқа турмуш қуришга кўндирмоқчи бўлади, Раж буни қатъий инкор қилганидан кейин эса суррогат она топишга тўғри келади. Бунга тунги клубда ишлайдиган раққоса Мадҳубала (Прити Зинта) розилик беради. Шундан кейин Раж Прия ва Мадҳу билан Швейцарияга кетишга ва бола билан қайтишга қарор қилади.
«Банти ва Бабли» (2005)
Асосий қаҳрамонлар Вимми ва Ракеш камбағал оилада вояга етган. Рани Мукержи ижросидаги Вимми болалигидан Ҳиндистон гўзали мақомига эришишни истайди, аммо уни ота-онаси турмушга бериб юбормоқчи бўлади.
Отасини изидан кетишни истамаган Ракеш (Абҳишек Баччан) ўз ишини бошламоқчи бўлади. Ҳар икки қаҳрамон ҳам орзуларига эришиш учун уйидан қочиб кетади. Аммо аччиқ ҳақиқат билан юзма-юз келганидан кейин орзуларини амалга ошира олмайди.
Изоҳ (0)