Alfa Invest – янги қиёфа билан янги марралар сари
Ўзбекистон суғурта бозорида 18 йилдан буён фаолият юритиб келаётган Alfa Invest суғурта компанияси ўтган давр ичида соҳа ривожига катта ҳисса қўша олди, деб бемалол айтиш мумкин. Компания жорий йилда ҳам ўз мижозларига қулай ва сифатли хизмат кўрсатишда давом этмоқда. Айниқса, пандемия шароитида бу янада яққол кўзга ташланиб, 2020 йил якунларига кўра, суғурта компанияси фаолиятида бир мунча ўсиш ҳам кузатилди.
Хусусан, бу даврда давлат раҳбарининг «Ўзбекистон Республикасининг суғурта бозорини ислоҳ қилиш ва унинг жадал ривожланишини таъминлаш чора-тадбирлари тўғрисида»ги қарори талабларига мувофиқ равишда Alfa Invest’нинг молиявий кўрсаткичлари, компания захиралари ва активлари сезиларли даражада ўсди. Бу ўз навбатида, компаниянинг устав капиталини 50,1 миллиард сўмдан зиёдга ошириш имконини берди.
Ортда қолган 2020 йилда мамлакат аҳолиси қийин даврни бошдан кечирди. Пандемия ортидан ўрнатилган карантин чекловлари, Бухоро, Навоий, Сирдарёда рўй берган табиий офатлар ортидан катта моддий зарар кўрилди. Шунга қарамай Alfa Invest ўз мижозларига етказилган зарарни қоплаб беришнинг уддасидан чиқа олди.
Бундан ташқари, компания транспорт воситалари эгаларининг фуқаролик жавобгарлигини мажбурий суғурта қилиш, тўловларни қоплаб бериш бўйича Ўзбекистондаги суғурта компаниялари орасида етакчи ўринни эгаллади. Республика миқёсида амалга оширилган тўловларнинг умумий қиймати 16 миллиард сўмдан ошганининг ўзи буни яққол кўрсатиб турибди.
Компаниянинг келгусидаги молиявий ва стратегик мақсадлари катта. Бу йўлда аниқ режа ва дастурлар ишлаб чиқилган. Alfa Invest’да жорий йилдаги дастлабки ўзгаришлардан бири бу – компания логотипининг ўзгариши бўлди.
«Келажакда амалга оширмоқчи бўлган режаларимиз катта. Янги рамз билан янги марраларни забт этишни ният қилганмиз. Компания қиёфасини янгилаш эса Alfa Invest ҳаётидаги муҳим босқичдир. Биз бу билан мижозларга янада яқинроқ бўлиш, одамларга содда ва тушунарли маълумот бериш орқали уларнинг суғурта борасидаги билимини ошириш, уларда ушбу хизмат турига нисбатан ишонч ва хайрихоҳлик уйғотишни истаймиз», – дейди компания бош директори Инесса Юревна Ахметова.
Alfa Invest вакиллари бунинг учун суғурта компанияси ва мижоз ўртасидаги ўзаро муносабатларни максимал даражада соддалаштириш, онлайн суғурта маҳсулотлари ва хизматларини жорий этиш орқали фуқароларнинг суғурта полисини расмийлаштириш ва суғурта тўловларини ундириш жараёнини тезкор амалга оширишга интилмоқда.
Эндиликда Alfa Invest суғурта компанияси янги товар белгиларидан фойдаланишни йўлга қўйишни бошлади. Ўз навбатида, янгича услубни жорий қилиш ва компания бўлинмалари, агентлар тармоғини ва барча маҳсулотларни янгилаш босқичма-босқич амалга ошириб борилади. 2021 йил давомида бу жараён барча фаолият турларини қамраб олади.
«Компания ташқи қиёфаси, имижидаги ўзгаришлар ундаги ички стратегик янгиланишлар билан бир қаторда Alfa Invest’да онлайн суғурталашнинг янги даври ривожланишига туртки беради ва бизнинг бозордаги мавқеимизни янада мустаҳкамлайди, деган умиддамиз», – дея қўшимча қилди компания бош директори Инесса Юревна Ахметова.
Реклама ҳуқуқи асосида.
