Авазхон Эргашев Сирдарё вилояти ҳокимининг қишлоқ ва сув хўжалиги масалалари бўйича ўринбосари этиб тайинланди. Бу ҳақда «Дарё» мухбири хабар бермоқда.
Маълум бўлишича, 20 декабрь куни Қўрғонтепа тумани ҳокимлигида Авазбек Эргашевни кузатиш маросими ўтказилган. Унда туман фаоллари 16 йиллик ҳоким билан кўзида ёш билан хайрлашган.
Авазбек Эргашев 1966 йилда Олтинкўл туманида туғилган. Андижон пахтачилик институти (ҳозирги Андижон қишлоқ хўжалиги ва агротехнологиялар институти)ни тамомлаган. 2006 йил 18 январдан буён Қўрғонтепа туманига раҳбарлик қилиб келган. 2015—2019 йилларда Олий Мажлис Сенати аъзоси бўлган.
Авазхон Эргашев янги лавозимда 18 декабрь куни Хоразм вилояти ҳокимининг қишлоқ ва сув хўжалиги бўйича ўринбосари этиб тайинланган Комилжон Собиров ўрнини эгаллади.
Аввалроқ Сирдарёнинг Миразаобод туманига Жонибек Яриев ҳоким этиб тайинлангани, 25 ноябрда эса Сирдарё тумани ҳокими Алижон Муҳаммадиев эгаллаб турган лавозимидан озод этилиб, унинг ўрнига Ботиржон Мирзақулов тайинлангани тўғрисида хабар берилганди.