2020 йилнинг 8 ойида Ўзбекистонга хориждан 73 та электромобиль импорт қилинган. Бу кўрсаткич ўтган йилнинг шу даври билан солиштирилганда 53 тага кўп. Бу ҳақда Давлат статистика қўмитаси хабар қилди.
Қайд этилишича, бу йил Хитойдан – 50 та, Кореядан – 12 та ҳамда Германия, БАА, Россия ва Грузия каби давлатлардан 11 та электромобиль импорт қилинган.
Маълум қилинишича, 2020 йилда импорт қилинган электромобиллар учун 1,7 миллион АҚШ доллари сарфланган.
Аввалроқ Қўқонда 3 минг долларлик электромобилларни ишлаб чиқарувчи завод қурилаётгани маълум қилинганди.
Изоҳ (0)