Ўзбекистонда хизмат кўрсатган артист Фатҳулла Масъудов 30 август куни 57 ёшда вафот этди. У коронавирусдан даволанаётган эди.
Таниқли актёрнинг яқинлари ҳамда ҳамкасблари ижтимоий тармоқларда у ҳақдаги хотираларини ёзиб қолдирмоқда.
«Ҳеч бир инсонни жуфтидан айрилмасин экан. Бугун 31 август опам Гулираъно Масъудованинг таваллуд айёмлари — 51 ёшни қаршиладилар. Айни шу кунда улар ва биз учун Аллоҳдан катта синов, сабримизни тоблантирувчи ҳодиса бўлди, поччажоним Фатҳулла Масъудов 57 ёшларида фоний дунёни тарк этиб, боқий дунёга кетдилар. Сўнгги дақиқаларгача соғайишларига катта умид қилгандик, Аллоҳдан тинимсиз улар учун соғлик, умр сўрадик, лекин Аллоҳнинг буюрганидан қочиб бўлмас экан. Жойлари жаннатда бўлсин, илоҳим», — деб ёзади актриса Муқаддас Саъдуллаева.
https://www.instagram.com/p/CEiyT-6pDPj/
Ўзбекистон маданият вазири Озодбек Назарбеков ҳам актёрни илиқ сўзлар билан ёдга олиб, унинг яқинларига сабр тилади.
https://www.instagram.com/p/CEhfe0tMzVm/
Сўз устаси Шукрулло Исроилов Фатҳулла Масъудовни оқибатли ва раҳмдил инсон сифатида эсламоқда.
https://www.instagram.com/p/CEiiVBXssCU/
Хонанда Мадина Мумтоз Фатҳулла Масъудов ҳақидаги хотираларини таъсирли тарзда баён этди.
https://www.instagram.com/p/CEhlhvenHnU/
«Фатҳулла Масъудовнинг сўнмас хотираси қалбимизда мангу яшайди», — деб ёзди Ўзбекистон халқ артисти Оғабек Собиров.
https://www.instagram.com/p/CEhoMfcBfjI/
Ўзбекистон халқ артисти Эркин Комилов ҳам ҳамкасбини илиқ сўзлар билан эслади.
https://www.instagram.com/p/CEigBmHFUVy/
Таниқли шоир Бобур Бобомурод Фатҳулла Масъудовнинг ўлимидан қайғуда эканлигини билдирди. «Нақадар азобли айрилиқ дафъи, сийраклашиб борар дўстларнинг сафи», — деб ёзди шоир.
https://www.instagram.com/p/CEhiyu1pIHY/
Таниқли хонанда Тожибар Азизова Фатҳулла Масъудовни ўта оилапарвар инсон сифатида ёдга олди.
https://www.instagram.com/p/CEhjwfLnhP6/
Анвар Собиров Фатҳулла Масъудов билан тушган архив суратлари билан бўлишди.
https://www.instagram.com/p/CEiUHCIHSMZ/
Ёш актриса Дурдона Қурбонова актёрни яхши хотиралар билан эслашини ёзиб қолдирди.
https://www.instagram.com/p/CEhlcmzl6tF/
Хонанда Ёрқинхўжа Умаров актёрнинг яхшилик қилишга ундовчи сўзларини ҳеч қачон унутмаслигини ёзиб қолдирди.
https://www.instagram.com/p/CEhzqOJDCd6/
Фатҳулла Масъудов 1963 йилда Тошкент шаҳрида таваллуд топган. 2015 йилдан буён Ўзбек Миллий академик драма театри директори лавозимида ишлаб келаётганди. 1999 йили «Шуҳрат» медалига сазовор бўлган, 2003 йили «Ўзбекистонда хизмат кўрсатган артист» унвони билан мукофотланган. 2014 йилда «Меҳнат шуҳрати» ордени билан тақдирланган.
2020 йил Ўзбек миллий академик драма театри учун оғир келди. Театр кетма-кет бир неча оғир жудоликка учради. Хусусан, 17 июль куни Ўзбекистонда хизмат кўрсатган артист Абдурайим Абдуваҳобов 57 ёшида онкологик касаллик туфайли оламдан ўтди. 25 август куни Ўзбекистон халқ артисти Дилбар Икромова коронавирус оқибатида вафот этди.
Изоҳ (0)