БААнинг «Умид» номли космик зонди Япониянинг H-IIA ракета-ташувчиси ёрдамида Танэгасима оролидаги космодромдан Марсга учирилди. Ракетани учириш жараёни Twitter орқали тўғридан-тўғри трансляция қилинди.
Ракета Тошкент вақти билан 20 июль соат 02:58 да учирилган.
Маълумотларга кўра, «Умид» зонди 15 июль куни учирилиши керак бўлган, бироқ ноқулай об-ҳаво шароитлари сабаб қолдирилган эди. Хусусан, Японияда бир ҳафтадан ортиқроқ вақт давомида кучли ёғингарчилик содир бўлган.
أول عد تنازلي عربي في تاريخ استكشاف الفضاء!
— Hope Mars Mission (@HopeMarsMission) July 19, 2020
مسبار الأمل ينطلق إلى المريخ حاملاً معه طموحات العرب..#مسبار_الأمل #أول_عد_تنازلي_عربي #العرب_إلى_المريخ pic.twitter.com/pQmQHbNkix
Космик зонд араб олимлари ва муҳандислари томонидан яратилган бўлиб, унга иккита қуёш батареялари, кўп каналли камералар, шунингдек, инфрақизил ва ультрабинафша спектрометрлар ўрнатилган.
Зонд Марс атмосферасининг юқори қатламларини тадқиқ этади, шунингдек, сайёра атрофида айланиб, ундаги иқлим ўзгаришини кузатади. Ҳисоб-китобларга кўра, зонд Марсга 2021 йилнинг февралида — БААнинг давлат сифатида ташкил этилганига 50 йил тўлиши муносабати билан нишонланадиган байрам арафасида етиб боради.
Мавзуга доир: Марсни ўзлаштириш: АҚШ, Хитой ва БАА сингари мамлакатлар миссиялари нима мақсад билан Марсга учмоқда?
Изоҳ (0)