АОКА ҳузуридаги штабда 10 июль, жума куни Республика махсус комиссияси қарори юзасидан бўлиб ўтган брифингда Транспорт вазирлиги матбуот котиби Наврўз Ашурматов темир йўл ва авиақатновлар бўйича изоҳ берди.
Анжуманда қуйидаги масалаларга тўхталиб ўтилди:
- 2020 йил 10 июлидан 1 августга қадар бўлган муддатда «Ўзбекистон темир йўллари» акциядорлик жамиятида 5900 та чипта сотилган.
- Карантин чоралари кучайтирилиб, поездлар қатнови тўхтатилгани сабаб, йўловчиларга сотиб олинган чипта пуллари қайтарилади.
- Uzbekistan Аирwайс акциядорлик жамияти томонидан Тошкент—Нукус, Тошкент—Урганч, Тошкент—Термиз йўналишларида 13 июлдан 1 августга қадар бўлган муддатга 332 та авиачипта сотилган.
- Сотиб олинган авиачипталарнинг амал қилиш муддати бир йилгача ҳақиқий ҳисобланади. Эпидемиологик вазият барқарорлашиб авиақатновлар тикланганда, йўловчилар аввал сотиб олган чипталари билан бемалол парвозлар қилишлари мумкин.
- Тошкент шаҳридаги автобусларда ҳаракатланиш мақсадида июль ойи учун сотиб олинган ойлик йўл чипталари «Тошшаҳартрансхизмат» акциядорлик жамиятининг ойлик йўл чипталари ва жетонлар сотиш бўлими томонидан 2020 йилнинг 1 августидан 10 августигача қайтариб олинади ва фойдаланилмган кунлар учун пул маблағлари қайтарилади.
Изоҳ (0)