Apple компанияси ўзининг сўнгги тўрт йил ичидаги энг кичкина моделини тақдим этишга тайёрланмоқда, деб хабар беради Hi-Tech.Mail.ru.
MacRumors сайтида iZac ники остидаги фойдаланувчи 5,4 дюймли экранга эга iPhone 12 модели макетининг эски смартфонлар билан таққослангани тасвирланган суратларни чоп этди. Ўлчами жиҳатидан у iPhone SE (4 дюйм) ҳамда iPhone 7 (4,7 дюйм) оралиғидан жой олади.
iPhone 12 янги линейкадаги энг ҳамёнбоп смартфонга айланади, унга 5,4 дюймли OLED-дисплей, турли миш-мишларга кўра, янги моделга иккиталик ёки учталик камера, янги Apple А14 процессори ўрнатилади. Бироз қимматроқ турувчи 12 Pro ва 12 Pro Max каби моделлари ҳам худди шу процессорга эга бўлади.
iPhone 12 ўзидан олдинги моделлардан нафақат ўлчамининг кичиклиги, балки материаллари билан ҳам фарқ қилади — унга пўлат ўрнига алюминий ишлатилади. Шунингдек, смартфонларнинг Pro версиясида қўшимча реаллик, объект 3D-камераи (лидар) пайдо бўлади.
Кейинроқ Apple мазкур флагманнинг каттароқ версиясини ҳам тақдим этади — 6,1 дюйм экранга эга iPhone 12 Мах. Таҳлилчиларнинг сўзларига кўра, Apple ўзининг янги қурилмаларини октябрь ёки ноябрь ойида тақдим этади. Коронавирус сабаб компания сентябрь ойида ўтказиладиган анъанавий тадқимотларидан воз кечишга мажбур.
Таъкидланишича, iPhone 12 2019 йилда тақдим этилган iPhone 11 моделидан 50 долларга арзонроқ бўлади — 700 доллар атрофида.
Аввалроқ Apple iPhone 12’ни наушник ва қувватлантиргичсиз ишлаб чиқариши, смартфон қутиси эса ингичкалашиши тўғрисида хабар берилганди.
Изоҳ (0)