Ҳукуматнинг 2020 йил 28 майдаги қарори билан Вазирлар Маҳкамаси Инвестициялар, экспортни қўллаб-қувватлаш ва ташқи иқтисодий алоқалар масалалари котибиятида бир қатор раҳбар ходимлар тайинланди. Бу ҳақда Инвестициялар ва ташқи савдо вазирлиги хабар бермоқда.
Фурқат Раҳимов Вазирлар Маҳкамаси Инвестициялар, экспортни қўллаб-қувватлаш ва ташқи иқтисодий алоқалар масалалари котибиятининг мудири этиб тайинланди. У илгари инвестициялар ва ташқи савдо вазирининг ўринбосари лавозимида фаолият юритган.
Шавкат Набиев Вазирлар Маҳкамаси Инвестициялар, экспортни қўллаб-қувватлаш ва ташқи иқтисодий алоқалар масалалари котибияти мудирининг ўринбосари этиб тайинланди. У Вазирлар Маҳкамаси Хорижда вақтинчалик меҳнат фаолиятини амалга ошираётган Ўзбекистон фуқаролари ҳуқуқларини ҳимоя қилиш ва халқаро иқтисодий ҳамкорлик масалалари департаментининг бош мутахассиси лавозимидан озод қилинди.
Жасурбек Авезов Вазирлар Маҳкамаси Инвестициялар, экспортни қўллаб-қувватлаш ва ташқи иқтисодий алоқалар масалалари котибияти мудирининг экспорт, импортни оптималлаштириш, божхона-тариф ва нотариф тартибга солиш масалалари бўйича ўринбосари этиб тайинланди, бу лавозимга у Инвестициялар ва ташқи савдо вазирлигининг бошқарма бошлиғи лавозимидан ўтди.
Лутфиддин Хўжаев Вазирлар Маҳкамаси Инвестициялар, экспортни қўллаб-қувватлаш ва ташқи иқтисодий алоқалар масалалари котибиятининг Халқаро ҳамкорлик масалалари шўъбаси мудири этиб тайинланди. Бундан аввал у ТИВнинг Бухоро бўлимига раҳбарлик қилган.
Изоҳ (0)