Андижон ИИБ ходимлари «Маҳалла» хайрия жамоат фонди ҳузурида ташкил этилган «Саховат ва кўмак» жамғармасига бир кунлик иш ҳақи — 101 миллион сўм маблағни хайрия қилди, дея хабар беради «Дарё» мухбири Умиджон Мамарасулов.
Вилоят ИИБ ахборот хизмати раҳбари Шерзодбек Нуриддиновнинг маълумот беришича, ИИБ ходимлари давлат раҳбари ташаббуси билан ташкил этилган «Саховат ва кўмак» умумхалқ ҳаракатини қўллаб-қувватлаб, Бўстон ва Улуғнор туманларида ташкил этилган жамғармага беғараз кўмак берган.
Шунингдек, ўз хизмат вазифасини бажариш чоғида қаҳрамонларча ҳалок бўлган ёки ногирон бўлиб қолган ходимларнинг оила аъзолари ҳолидан хабар олинган.
Андижон, Асака, Булоқбоши, Балиқчи, Хўжаобод туманлари ҳамда Андижон шаҳрида истиқомат қилаётган 43 нафар хизматчи оиласидан хабар олган масъуллар уларнинг тиббий кўрикдан ўтишига кўмаклашиб, муҳтожларига моддий ёрдам кўрсатган.
Изоҳ (0)