Қозоғистонда вирусга чалинганлар сони 1331 кишига етди

Қозоғистонда коронавирус билан касалланиш бўйича яна 36 та ҳолат қайд этилиб, жами касаллар сони 1331 кишига етди, деб хабар беради Tengrinews.

Касалланиш бўйича сўнгги 36 ҳолат қуйидаги ҳудудларда аниқланган:

• Қизилўрда вилояти — 4;
• Павлодар вилояти — 2;
• Манғистон вилояти — 1;
• Чимкент — 3;
• Ғарбий Қозоғистон вилояти — 5;
• Олмаота — 13;
• Оқтўбе вилояти — 1;
• Нур-Султон — 5;
• Қарағанда вилояти — 2 та ҳолат.

15 апрель куни Қозоғистоннинг Чимкент шаҳрида коронавирусга чалинган яна бир бемор вафот этгани ҳақида хабар берилганди. Қозоғистонда коронавирус билан боғлиқ биринчи ўлим ҳолати 26 март куни қайд этилган бўлиб, ҳозирга қадар мамлакатда умумий ҳисобда коронавирусдан 16 киши вафот этди.Ўзбекистонда 16 апрель соат 10:00 ҳолатига кўра, коронавирус инфекциясини юқтириб олганлар сони 1349 нафарни ташкил этмоқда. Мамлакатда ўтган бир ой давомида коронавирусга чалинган беморларнинг тўрт нафари вафот этди, 107 нафари эса соғайиб, реабилитация олинди. Бундан ташқари, хорижда камида 23 ўзбекистонликда коронавирус аниқланган, уларнинг уч нафари вафот этган.