«Икки қаватли бинонинг битта ‘подъезди’ қулаб тушган, вафот этганлар бор», — дейилади хабар манбасида.
Маълум қилинишича, портлаш нимадан содир бўлгани ҳозирча номаълум.
Вилоят фавқулодда вазиятлар бошқармаси ахборот хизмати мазкур хабарни тасдиқлар экан, қутқарув ишлари амалга оширилаётганини қўшимча қилди.
«Портлаш юз бергач, босиб қолган бино остидан чинқириқлар эшитилган. Яқин қўшнилар ёрдамга шошган», — дейди «Дарё» манбаси.
Каттақўрғон шаҳар ҳокимлиги ахборот хизматининг маълум қилишича, айни пайтда вилоят ҳокими Эркинжон Турдимов воқеа жойига етиб борган. Портлашдан зарар кўрган хонадонларни эвакуация қилиш ишлари бошланган.
«Портлаш нимадан келиб чиққани ҳозирча номаълум. Сабаблари ўрганилмоқда. Тез орада расмий маълумот берамиз», — дейди шаҳар ҳокимлиги ахборот хизмати раҳбари Жамшид Носиров.
Изоҳ (0)