АҚШнинг Вермонт штатидан бўлган сенатор Берни Сандерс Демократлар партиясидан АҚШ президентлигига номзод сифатида иштирок этишни тўхтатганини маълум қилди, деб хабар бермоқда Meduza CNN’га таяниб.
Ўзининг кетиши ҳақида кейинроқ Twitter’даги саҳифасида ёзиб қолдирган. «Бугун мен ўз кампаниямни тўхтатяпман. Лекин кампания тўхтаган жойда адолат учун кураш давом этади», — деган у.
Сандерс юрак жарроҳлигини бошидан ўтказганидан сўнг октябрь ойидаёқ кампания тўхтатишини маълум қилганди, лекин кейинчалик уни яна давом эттирган.
У АҚШ президентлиги учун курашдан чиқиб кетганидан сўнг 2020 йил ноябрь ойида бўлиб ўтадиган сайловда Демократлар партиясидан ягона номзод Жо Байден бўлиб қолади. У бу мақомга расмий равишда ёзда ўтказиладиган партия съездида тасдиқланади (айни пайтда назарий жиҳатдан президентлик пойгасига ҳали ҳам бошқа номзодлар қўшилиши мумкин).
Берни Сандерс 2016 йилда ҳам Демократлар партиясидан номзод бўлишга ҳаракат қилган, лекин Ҳиллари Клинтонга мағлуб бўлган.
Сандерс 78 ёшда. Агар у президент бўлганида бутун АҚШ тарихида энг кекса ёшли давлат раҳбари бўларди.
Изоҳ (0)