Ўзбекистонда аҳолининг юз ниқобларига бўлган эҳтиёжини қоплаш мақсадида ишлаб чиқариш қувватлари кучайтирилди, янги цехлар очилмоқда ва тикув корхоналари жараёнга қўшилмоқда. Бу ҳақда Фармацевтика тармоғини ривожлантириш агентлигида тиббий буюмлар ва гигиеник воситалар ишлаб чиқарувчи корхоналар раҳбарлари, текстиль саноати вакиллари ва дистрибюторлар билан 18 март, чоршанба куни, ўтказилган кенгайтирилган йиғилишда маълум қилинди.
Фармацевтика тармоғини ривожлантириш агентлиги директори Сардор Кариев ҳимоя ниқобларини ишлаб чиқараётган корхоналар ҳажмни кўпайтириши учун ишлаб чиқаришни янада кучайтириш билан бирга уларнинг сифатига эътибор қаратишлари зарурлигини таъкидлади.
Аҳолининг ҳимоя ниқобларига бўлган эҳтиёжини қондириш мақсадида йиғилишда иштирок этган тиббий буюмлар ишлаб чиқарувчи корхоналар раҳбарлари, текстиль саноати вакиллари ва дистрибюторлар ўзаро ҳамкорликда иш олиб боришга келишиб олди.
Мавзуга доир: Ўзбекистонда кунига 500 минг дона тиббий ниқоб ишлаб чиқарилмоқда, уларнинг сонини 2 миллионтага етказиш мумкин
Маълумот учун, Ўзбекистонда тиббий буюмлар, айнан тиббиёт ва гигиеник юз ниқобларини ишлаб чиқарувчи 20 та корхона мавжуд. Шунингдек, респиратор ишлаб чиқарувчи корхоналар ҳам бор бўлиб, уларнинг барчасида ишлаб чиқариш қуввати кучайтирилган ва улар узлуксиз тартибда ишлаб турибди. Бундан ташқари, ишлаб чиқаришга қўшимча равишда Ўзбекистонда текстиль корхоналари ҳам докадан қатламли гигиеник ниқобларни ишлаб чиқаришни йўлга қўйган.
Мавзуга доир:
- Андижонлик тадбиркор кунига 20 минг дона тиббиёт ниқоби тайёрлаб, дорихоналарга 900 сўмдан етказиб бермоқда
- Тошкентда бир кунда қиймати 123 млн сўмлик сифатсиз тиббий ниқобнинг ноқонуний равишда савдога қўйилгани аниқланди
- «Ниқоблар тўғри тақилмаса вирусдан ҳимоя қилмайди». Тиббиёт ниқобларининг фойда ва зарари ҳақида
Изоҳ (0)