Хитойнинг Ухань шаҳридаги кўргазма марказлари ва стадионларда ташкил этилган 14 та вақтинчалик госпиталнинг 11 таси беморларнинг уйга жавоб берилиши муносабати билан ёпилди, деб хабар берди «РИА Новости».
«Уханда эпидемия бошланганидан кейин бир қанча стадион ва кўргазма марказлари госпиталга айлантирилган эди. Кўп беморларнинг соғайиб уйига жавоб берилиши муносабати билан 14 та вақтинчалик госпиталнинг 11 таси ёпилди», — дейилади хабарда.
Қолган беморлар эса коронавирусни юқтирган беморларни қабул қилувчи махсус шифохоналарга ўтказилди. Хитой, хусусан, Ухандаги эпидемиологик вазият сўнгги вақтда яхшиланмоқда.
Хитойда эпидемия бошлаганидан буён коронавирусга чалинганларнинг умумий сони 80 735 кишига етган. Жами 58,6 минг бемор тузалгани айтилмоқда. Дунё бўйлаб коронавирус инфекцияси кириб борган мамлакатлар сони 100 дан ошиб кетди.
Аввалроқ COVID-19 коронавирусини юқтириб олган Хубэй провинциясида истиқомат қилувчи юз ёшли қария даволанишга муваффақ бўлгани ҳақида хабар берилган эди.
Изоҳ (0)